enemynumberone

juanrepublic:

Only in the Philippines: Santo Niñong Galà

Pamilyar sa atin ang mga imahe sa larawan. Halos lahat siguro ng Pilipinong Pamilyang Katoliko ay may ganitong imahe sa kanilang bahay.

Naging kalakaran na sa Pilipinas lalo na sa mga Pamilyang Katoliko ang bihisan ang Santo Niño na nakapambahay, nakabihis ng uniporme ng kung ano mang propesyon o trabaho ng may-ari, o kung ano mang bihis na malayo sa mga nagkikintabang mga imahe sa mga Simbahan. Mas popular ito sa tawag na “Santo Niñong Galà”. 

Sinasabing kaya daw ito ginagawa ng mga Katolikong Pamilya ay upang mas mapalapit sa Santo Niño o upang mas mapalapit sa Diyos. Mas maamo at mas approachable kasi ang imahe ng isang bata kumpara sa matanda. Kaya’t ang paniniwala ng karamihan, mas tutuparin ng Santo Niño ang kanilang kahilingan dahil mas madali itong lapitan.

Isang paalala lamang para sa mga mananampalataya. Sa pagbibihis ng ganitong imahe sa Poong Santo Niño, lumalabas na nasusunod kung ano ang ating niloloob. Ating alalahanin na hindi dapat ang kalooban natin ang masusunod ngunit ang kalooban ng Diyos. Maligayang kapistahan ng Santo Niño!

Viva Santo Niño! Pit Senior!

Photo taken earlier this afternoon, January 16 2010, at San Antonio de Padua Parish, Batong Malaki, Los Baños, Laguna.